Мемлекеттік сатып алудағы қазақстандық үлеске бақылау және мониторинг бойынша қоғамдық комиссия
2009 жылдың 6 қарашасында «Атамекен» одағы» Қазақстан ұлттық экономикалық палатасының ұйымдастыруымен Палата Президиумы, Палата басқармасы және филиал директорларының қатысуымен «Мемлекеттік сатып алудағы қазақстандық үлеске бақылау және мониторинг» бойынша қоғамдық комиссияның кеңейтілген отырысы өтеді. Бақылау комиссиясының отырысында «Нұр – Отан» ХДП төрағасының бірінші орынбасары Д. Қалетаев кіріспе сөз сөйлейді. Аталған іс – шара «Нұр – Отан» ХДП жанындағы Бақылау комиссиясының ұйымдық мәжілісі аясында өткізіледі. Комиссия құрамын «Самұрық – Казына» ӘАҚ басшылығы, ұлттық компаниялар, ҚР Парламенті, ҚР Үкіметі, министрліктер және ведомствалардан тұрады. Жиында «Атамекен» одағы» ҚҰЭП басқарма мүшелерінің және филиалдар директорларының мемлекеттік сатып алудағы қазақстандық үлеске бақылау және мониторинг мәселелері бойынша ұсыныс пікірлері қаралады. Іс – шараның негізгі мақсаты – экономикамыздың барлық саласында отандық өндірісті дамыту, өзіміздің тауар өндірушілер мен қызмет көрсетушілерге нақты қолдау көрсетіп, олардың жұмысын жандандыру үшін атқарылатын шараларды пысықтау. Комиссия отырысын «Атамекен» одағы» ҚҰЭП төрағасы А.Перуашев жүргізеді. Жиының өтетін орны мен уақыты: Астана қ. Қонаев көш.12/1, «Нұр Отан» ХДП ғимараты, 8 қабат дөңгелек зал, сағ. 15:00.
